Kryetari i Partisë Demokratike të Kosovës, Kadri Veseli, ka thënë se Qeveria aktuale po nxit debatin më të dëmshëm dhe më të rrezikshmëm të marrëdhënieve Kosovë – SHBA.
Sipas Veselit, deklarata e senatorit republikan, David Perdue, për rishikimin e pranisë ushtarake amerikane në vendin tonë, është më shumë se serioze.
Postimi i plotë:
Në kohën kur mbështetja e Shteteve të Bashkuara të Amerikës për Kosovën është jetike dhe shumë e domosdoshme, Qeveria aktuale, si asnjë qeveri tjetër e mëparshme, ka nxitur debatin më të dëmshëm dhe më të rrezikshmëm të marrëdhënieve Kosovë – SHBA.
Deklarata e senatorit republikan, David Perdue, për rishikimin e pranisë ushtarake amerikane në vendin tonë, është më shumë se serioze.
Vënia në dyshm e rolit të SHBA-së nga qeveria “Kurti” dhe aleancës sonë të palëkundur me shtetin amerikan, është dëmi më i madh që një i zgjedhur politik i Kosovës, ka arritur t’ia bëjë shtetit tonë.
Vendosja e Kosovës në udhëkryq të rrezikshëm nacional, i ardhur jo nga ndonjë kërcënim i jashtëm, por nga aktet e pamenduara të vetë kryeministrit, është shenjë e keqe për vendin tonë.
