Kryetari i Partisë Euroatlantike të Kosovës, dhe deputeti i Kuvendit të Kosovës, Milaim Zeka e ka quajtur mashtrim të ditës takimin mes liderit të LDK-së, Isa Mustafa, dhe kryetarit të lëvizjes Vetëvendosje, Albin Kurti.
“Albin Kurti në mënyrë absolute nuk guxon me marrë vendimin e heqjes së taksës, sepse vazhdimisht është thirrë për taksë. Kurse Isa Mustafa me sy mbyllë e heq taksën”, ka thënë ai.
“Isa Mustafa me sy mbyllë e heq taksën. Ai nuk e përfaqëson LDK-në. Afrimi i tij me Albin Kurtin është duke ia larguar në mënyrë marramendëse elektoratin e tij. Sa i përket Albin Kurtit, ai ka dalë prej autostrade, kur del prej autostrade rrokullisësh. Në PREK më së shumti na vijnë njerëz të zhgënjyer nga LDK dhe Vetëvendosje”, tha Zeka për RTK-në.
Ai ka komentuar edhe kërkesën e shteve të Quint-it për heqjen e taksës. “Unë e kisha hequr taksën, dje, jo sot, lëre më nesër. Taksa është vu për kalkulime politike, por më vonë është shndërruar në biznes të njerëzve të fuqishëm të politikës së Kosovës. I vetmi person që e ka paguar shtrenjtë taksën në raport me Serbinë është qyteari i Kosovës, kurse imazhi i Kosovës është dëmtuar”, ka thënë Zeka.
