Presidenti i Ukrainës Volodymyr Zelensky ka folur për mediat perëndimore nga një bunker sekret në Kiev, duke thënë se “Ukraina do të luftojë më fortë se kushdo tjetër”, por se nuk mund ta menaxhojë luftën kundër Rusisë e vetme.
Presidenti ukrainas, i cili është shfaqur si një figurë heroike në mbrojtjen e vendit të tij për sfidën e tij përballë agresionit rus, i tha CNN dhe Reuters se bisedimet për armëpushimin mund të jenë serioze vetëm nëse luftimet ndalojnë fillimisht.
“Nëse ju e bëni këtë, dhe të dyja palët e bëjnë këtë, do të thotë se ata [Rusia] janë gati për paqe,” tha ai. “Nëse ata nuk janë gati, do të thotë se thjesht po humbisni kohë.”
“Ne do të shohim [nëse ata janë gati],” tha ai.
Zelensky, i cili foli me presidentin amerikan Joe Biden në orët e fundit, tha se donte që lideri amerikan të trajtonte situatën në Ukrainë në fjalimin e tij sonte, sipas CNN. Ai thuhet se dëshiron të dëgjojë Biden të shpjegojë se rezistenca e Ukrainës nuk ka të bëjë vetëm me një vend, por me demokracinë dhe lirinë, dhe se amerikanët “duhet të kujdesen për të”.
