Pas arrestimit të hetuesit policor për Krime Ekonomike, Lavdim Osmani, mësohet se Inspektorati Policor i Kosovës ka arrestuar edhe një koleg të tij.
Edhe hetuesi i dytë raportohet se është arrestuar në natën e së mërkurës, me arsyetimin e dyshimit të keqpërdorimit të detyrës zyrtare.
Arrestimi i dy hetuesve është realizuar në kuadër të një aksioni të Inspektoratit Policor të Kosovës.
U raportua më herët lidhur me arrestimin e hetuesit të parë, Lavdim Osmanit.
Arrestimin e Osmanit pak më parë e ka konfirmuar drejtori i përgjithshëm i Policisë së Kosovës, Rashit Qalaj.
Osmani ka udhëhequr një grup policësh të cilët dyshohet se u kanë vënë haraç bizneseve.
