Në Kuvendin Komunal të Prishtinës ka filluar mbledhja inauguruese, në të cilën do të betohen asamblistët e rinj të kësaj komune.
Në seancën solemne të Kuvendit Komunal, këshilltarët komunalë të Lëvizjes Vetëvendosje, kanë marrë me vete flamujt kuqezi, të cilët i kanë vendosur në tavolinë.
17 asamblistët e VV-së do të betohen para flamurit shqiptar, ashtu siç u betuan edhe deputetët e kësaj partie në seancën e konstituimit të Kuvendit të Kosovës.
