Buzhala: Nuk ishte debat ajo në Tv Dukagjini, ishte reklamë e sponsorizuar nga Kurti dhe Osmani

375

Gazetari Berat Buzhala, ka deklaruar se intervista e mbrëmshme e Albin Kurtit dhe Vjosa Osmanit në Tv Dukagjini ishte një marketing.

Buzhala tha se një media si KTV’ja ka pranuar ta qet “debatin” e Kurtit dhe Osmanit si hapësirë sponsorizuar, pra si reklamë e paguar nga Vetëvendosje.

Ai tha se kjo është një turp që intervista që është me gazetarë profesionist me u shitë në një media tjetër si marketing.

“Hapësirë e sponsorizuar nga LVV, dmth për herë të parë në media, një intervistë me gazetarë që paraprakisht e ka ditë Vetëvendosje që ky është marketing dhe nuk është përballje dhe e ka blerë hapësirën në një media si KTV’ja, dmth a ka ma turp që gazetarë me gazetarë qitma se është marketing, pra intervista që është me gazetarë profesionist me u shitë në një media tjetër si marketing”, tha Buzhala në Pressing.

Buzhala tha se kjo ka ndodhur për herë të parë në media.