Sot është marrë vendim për rritjen e çmimeve për paraqitjen e testit dhe vozitjes për patëntshoferë, shkruan Gazeta Blic.
Gazeta Blic, ka siguruar vendimin, teksa shihet se është dyfishuar çmimi për secilën kategori të patëntëshoferëve, si për paraqitjen e testit, po ashtu edhe të vozitjes.
Çmimi prej 10 euro sa ishte për paraqitjen e testit për marrjen e patentëshoferëve të kategorisë B, tanimë është rritur në 20 euro. Njëjtë është marrë vendim, që për këtë kategori të dyfihohet çmimi për paraqitjen e vozitjes.
Po ashtu, tanimë edhe çmimi i paraqitjes së vozitjes dhe testit për ketagorinë C, është rritur në 30 euro.
Gazeta Blic ka tentuar që të kontaktojë me ministrin e Infrastrukturës, Pal Lekaj, për të mësuar mbi arsyet për këtë rritje, por që komunikimi me të ka qenë i pamundur.
