Gjykata Themelore në Prizren ka vendosur një muaj paraburgim ndaj L.U. për veprat penale ‘sulm dhe asgjësim apo dëmtim i pasurisë’.
Në njoftimin e Gjykatës thuhet se më 22 janar, në orët e mesnatës, në Prizren, i pandehuri, bashkë me dy persona të tjerë, që janë në arrati, e ka sulmuar fizikisht L.M., i cili ishte në veturë.
Ata, me një shkop druri, e kishin goditur viktimën në kokë dhe e kishin rrahur. Më pas, ia kishin dëmtuar edhe veturën.
