Rezultatet e dobëta që pati Lidhja Demokratike e Kosovës në këto zgjedhje bëri që Isa Mustafa të jap dorëheqje nga drejtimi i kësaj partie.
Mustafa zyrtarisht deklaroi se largohet nga posti i kryetarit të kësaj partie, duke thirrur mbledhje të kuvendit, në mënyrë që të emërohet edhe lideri i ri partiak.
Por pas kësaj ka reaguar analisti Imer Mushkolaj, e që sipas tij nuk mjafton vetëm dorëheqja e Isa Mustafës.
Mushkolaj deklaroi se bashkë me Mustafën duhet të shkojë edhe ekipi i tij, që e shkatërroi LDK-në.
“Nuk mjafton vetëm dorëheqja e Isës. Bashkë me të duhet të shkojë edhe ekipi i tij, që e shkatërroi LDK’në”, tha ai.
Ndryshe duhet përkujtuar që pati vërejte të mëdha sa i përket udhëheqjes së LDK-së në drejtim të Isa Mustafës, Agim Veliut e disa emrave të tjerë që ndër vite vazhdojnë të jenë në udhëheqjen e lartë të partisë.
