Nora Gjakova nuk ia ka dalur që të sigurojë medaljen e bronztë, pas humbjes që pësoi përballë xhudistes Jessica Klimkait.
Përkundër faktit se Gjakova zhvilloi një luft mjaft të fortë ndaj Klimkait, megjithatë ajo mbeti pa medalje.
Nora u mposht nga kanadezja Klimkait, duke u renditur kështu e pesta në kategorinë deri 57 kg. Vlen të theksohet se përballë Norës ishte një kundërshtare mjaft e vështirë e cila renditet e dyta në ranglistën botërore, dhe e cila fitoi medaljen e bronztë.
Ndonëse lufta mes dy xhudisteve ishte shumë e barabartë, në fund Klimkait arriti që me uazari të sigurojë fitoren.
Nora gjatë ditës së sotme kishte realizuar paraprakisht tri fitore dhe një humbje. Ajo e nisi me fitore ndaj xhudistes braziliana Jessica Lima për të vazhduar pastaj me ritëm të njëjtë ndaj bullgares Ivelina Ilieva.
Në fazën çerekfinale Nora u mposht nga francezja Sarah Leonie Cysique ndërsa fitoi ndaj italianes Veronica Toniolo me repesazh.
Vlen të theksohet se në kategorinë deri 57 kg ka garuar edhe xhudistja Flaka Loxha, e cila është ndalur në luftën e dytë.
