Dyqani “Neptun” në Prizren ka qenë cak i një plaçkitje nga tre persona të dyshuar që ka ndodhur mbrëmë pas mesnate. Plaçkitësit e maskuar dyshohet të kenë qenë të armatosur, gjatë kohës kur kryen vjedhjen. Pasi një pistoletë u gjet nga Policia në dyqan.
Disa kompjuter, 10 telefona celularë dhe tre tabletë, janë vjedhur mbrëmë në dyqanin e njohur të pajisjeve elektronike “Neptun” në Prizren.
Plaçkitja që ka ndodhur mbrëmë rreth orës 2 të mesnatës, është kryer nga tre persona të dyshuar, në kërkim të të cilëve është vënë Policia, qysh pas raportimit të rastit.
“Rreth orës 02:00 te mesnatës ka ndodh nje vjedhje në ‘Neptun’. Janë vjedhur disa pajisje elektronike. Policia është në kërkim të tre personave të dyshuar”, tha ai, të premten.
Reporteri.net ka marrë vesh me burime se plaçkitësit dyshohen të kenë qenë të armatosur në momentin kur ka ndodhur vjedhja. Kjo pasi Policia, në vendin e ngjarjes ka gjetur një armë zjarri, të llojit pistoletë TT, e që dyshohet se u ka rënë plaçkitësve të maskuar derisa janë larguar nga vendi i krimit.
Plaçkitjet e armatosura, vitin që lamë pas, ishin shndërruar në fenomen shqetësues në Kosovë, për shkak të rritjes së numrit të këtyre rasteve. Disa nga to, edhe kishin rezultuar me vrasje të punonjësve të lokaleve të cilat kanë qenë cak i vjedhjeve me armë e maska.
