Katër persona janë plagosur sonte në Viti.
Kështu ka bërë të ditur një nga doktorët e QKMF-së të këtij qyteti, Përparim Pajaziti.
Ai ka thënë se katër personat kanë shkuar në Spital me plagë nga mjete të mprehta.
Viktimat janë bartut pastaj në Spitalin Rajonal të Gjilanit, pas marrjes së ndihmës së parë.
“4 persona kanë ardhur me plagë të shkaktuara nga mjete të mprehta, sipas gjitha gjasave me thikë. Ne u kemi dhënë ndihmën e parë dhe ata janë dërguar në spitalin rajonal në Gjilan”, shkroi Pajaziti në facebook.
Ndërsa, lajmin për Front Online e ka konfirmuar edhe zëdhënësi i Policisë, për rajonin e Gjilanit Ismet Hashani.
“Po është e vërtetë katër persona janë plagosur sipas gjitha gjasave me mjete të mprehta. Policia është në vendin e ngjarjes dhe janë duke u marrë me rastin. Për më shumë detaje ju njoftojmë më vonë”, ka thënë Hashani.
