Rasim Selmanaj ka dhënë dorëheqje nga të gjitha funksionet në strukturat e Aleancës për Ardhmërinë e Kosovës (AAK).
Lajmin e ka dhënë vet Selmanaj.
“Nuk kam çfarë të shtojë pos që jam liruar nga strukturat e partisë. Mbetem anëtar i thjeshtë i AAK-së”, tha Selmanaj për Telegrafin.
Aleanca për Ardhmërinë e Kosovës u radhit në vendin e katërt në zgjedhjet e 14 shkurtit duke marrë 7.57 për qind të votave.
Selmanaj në zgjedhjet e 14 shkurtit ishte kandidat për deputetë nga lista e AAK-së.
Edhe më parë Selmanaj ka bartur funksione të larta duke qenë kryetar i Deçanit dhe deputet i Kuvendit të Kosovës.
