Deputeti i AAK-së, Besnik Tahiri ka thënë se Qeveria e Kosovës, ka luajtur lojë me Ligjin e Pagave, duke e shtyrë atë në fund të vitit.
Sipas tij, financimi i këtij ligji s’mund të ndodhë deri më 2022.
“Qeveria e ka lënë Ligjin e Pagave në nëntor që nënkupton se buxheti i atij ligji për vitin e ardhshëm nuk mund të bëhet, pra është njëfarë lojë që bëhet. Në momentin që e ke bo planifikimin për në tetor, apo nëntor kjo nënkupton se ti nuk e ke bë planifikimin për buxhetin e vitit 2022, pra është lojë që s‘po është në legjislacion, por financimi nuk mund të ndodh deri në këtë vit” tha Tahiri në Prime Time.
Ndryshe Tahiri tha se konsolidimi i AAK-së shkon në tri çështje, ekonominë, zbatimin e ligjit të pagave, si dhe për temat nacionale”, përfundoi Tahiri.
