Abelard Tahiri, kryetar i grupit parlamentar të PDK-së, pas mbledhjes së Kryesisë së Kuvendit, ka kritikuar Qeverinë e Kosovës se kjo e fundit nuk po është transaparente ashtu siç duhet.
Më herët ka përfunduar mbledhja e Kryesisë së Kuvendit të Kosovës, e ku më pastaj kryetarët e grupeve parlamentare kanë dhënë deklarata për media.
Tahiri tha se në seancën e radhës do të diskutohet projektligji mbi vlerën e shtuar, për të cilin projektligj ai tha se, është nisë si ide e inciativë e Bedri Hamzës, kur ky i fundit ushtronte detyrën e minsitriti të Financave, raporton lajmi.net.
Tahiri po ashtu ka folur edhe për çështjen e energjisë, ku tha se “Ne kemi hapur debatin për këtë çështje ende pa u marrë vendimi nga ZRRE për shtrenjtimin e energjisë., ku edhe kemi kerku që rritja e çmimit të energjisë të mos ndodhë”.
Ai vazhdoi tutje, duke thënë se ata kanë kërkuar që ky vendim të anulohet dhe në të njëjtën kohë kanë kërkuar nga Qeveria që të gjejë zgjidhje më të përshtatshme.
Përveç rritjes së çmimit të energjisë, Tahiri adresoj edhe rritjen e çmimeve të produkteve të ndryshme, duke filluar nga ato esenciale e për të vazhuar edhe me tjerat. E gjë për te cilën ai tha se: “Këto rritje të çmimeve po ua veshtirsojnë jetën qytetarëve”.
Tahiri foli edhe për Kodin Civil, të cilin e cilësoi si më të rëndësishmin, sepse siç tha ai: “ Ende shumë çështje rregullohen me legjislativin e ish- Jugosllavisë. Dhe ky Kod Civil do e largojë një pjesë të legjislacionit që ka mbetë nga koha e ish-Jugosllavisë”.
Tahiri foli edhe për martesat e gjinisë së njejtë, ku tha se kjo është çëshjte për të cilën vendoset përmes debatit, e jo diçka që rregullohet menjëherë brenda Kodit Civil.
Tahiri përveç çështjes se energjisë, vazhdoi ta kritikojë Qeverinë edhe për çështjen e dialogut, ku ai, kërkoi nga Qeveria transparencë me të madhe.
Ai po ashtu shfaqi shqetësimin duke thënë se:” Sot nuk mund te flasim per draftin e një marrëveshje me Serbinë, draft të cilin ne nuk e kemi pa.’’
Tutje Tahiri shtoi se: “Po ka ide, edhe veprime të cilat nuk po janë në favor të Kosovës, siç ka qenë çështja e targave, por edhe vendimi i ZRRE-së per mospërfshirjen e komunave Veriore brenda shtrenjtimit të energjisë”.
