Sonte do të zhvillohet një prej ndeshjeve më të “nxehta” të Kampionatit Botëror “Katar 2022”.
Në kuadër të grupit G, mbrëmja e sontme sjell ndeshjen mes Serbisë dhe Zvicrës. “974 Stadium” do të jetë nikoqir i përballjes në fjalë.
Në këtë grup, Brazili tashmë e ka siguruar kualifikimin në fazën e eliminimit direkt, derisa Zvicra dhe Serbia kërkojnë vetëm rezultat pozitiv për të avansuar tutje.
Kundër Serbisë është një ndeshje e veçantë për Granit Xhakën dhe Xherdan Shaqirin.
Kjo për shkak të rrënjëve të tyre shqiptare dhe golave të tyre të ndjekura nga festimet me shqiponjë në vitin 2018.
Por, edhe sepse ata mund të bëhen rekorderë zviceranë në një botëror.
Me paraqitjen e tyre të njëmbëdhjetë në Kupën e Botës për helvetikët, Xhaka dhe Shaqiri kalojnë të premten Stephan Lichtsteiner dhe Valon Behrami.
Para kësaj ndeshje ka pasur shumë debat e polemika, por edhe propaganda të llojit të ndryshëm nga serbët duke ditur urrejtjen e tyre ndaj futbollistëve shqiptarë të Zvicrës.