Me 8 Mars, një ditë pas ditës së mësuesit është pensionuar mësimdhënësi i gjuhës dhe letërsisë shqipe, Bedri Tahiri. Për 41 vjet 65 vjeçi përcolli shumë gjenerata në gjimnazin “Eqrem Çabej” në Vushtrri.
Për mësuesin që është edhe autor i mbi 40 librave, kreu i komunës, Xhafer Tahiri, pati fjalë të mëdha, duke i kërkuar që të mos e pensionojë aktivitetin e tij si shkrimtar.
Ndërkaq, gjuhëtari tha se në gjithë karrierën e tij, në mend i ka mbetur koha kur ka dhënë mësim në shtëpitë që u shndërruan në shkolla, por edhe helmimi i nxënësve.
Kolegët e nxënësit përgatitën këngë e poezi për mësimdhënësin në ditëlindjen e tij të 65-të.
