Policia e Kosovës ka arrestuar një person në Prizren i cili ka shpërndarë një video propaganduese me qëllim të përhapjes së panikut tek qytetarët, pas situatës së krijuar nga koronavirusi.
“Kemi të ndaluar një person për incizim të kundërligjshëm. Jemi duke e marrë një deklaratë prej tij, sepse dyshohet që ka incizuar fqinjin e tij dhe e ka postuar një rrjetet sociale. Ka bërë panik pa arsye”, ka thënë për Gazetën Express zëdhënësi i Policisë së Kosovës për Rajonin e Prizrenit, Shaban Osmanollaj.
Personi në fjalë kishte inçizuar fqinjin e tij dhe kishte propaganduar se ishte infektuar me koronavirus.
Osmanollaj thotë se i dyshuari është ndaluar, dhe me urdhër të prokurorit është cilësuar si inçizim i kundërligjshëm.
Osmanollaj për Express ka thënë ai tashmë është ndaluar dhe po intervistohet nga hetuesit.
Pamjet ka publikuar i dyshuari me qëllim të përhapjes së panikut.
