Drejtori i të ashtuquajturës Zyre për Kosovën në qeverinë serbe, Petar Petkoviq, ka paralajmëruar se sot do të vijë në Kosovë për të marrë pjesë në Krishtlindje.
Siç raporton Tanjug, duke iu referuar njoftimit të zyrës së tij, Petkoviq do të jetë në Kosovë më 6 dhe 7 janar, transmeton Gazeta Express.
“Në ditën e Krishtlindjes, Petkoviq do të marrë pjesë në djegien e pemës së Krishtlindjes në Zubin Potok, në portën e Kishës së Shën Trinisë, në ora 16:30, pas së cilës do të bisedojë me qytetarët e mbledhur. Në mesnatë në manastirin e Banjskës do të marrë pjesë në Liturgjinë e Krishtlindjes”, thotë njoftimi.
