Anglia e ka eliminuar Danimarkën për t’u kualifikuar në finale të Kampionatit Evropian për herë të parë në histori.
Tre Luanët kanë mposhtur Danimarkën me rezultat 2-1 pas kohës shtesë.
Rezultati i kohës së rregullt ishte i barabartë 1-1 dhe anglezët fituan vetëm në shtesa.
Danezët kaluan të parët në epërsi me golin e bukur të shënuar nga Damsgaard në minutën e 30-të.
Kjaer devijoi një krosim në minutën e 39-të dhe shënoi në portën e tij për të barazuar rezultatin.
Golin e fitores për Anglinë e shënoi Harry Kane në minutën e 104-të. Gjuajtjen nga penalltia të kapitenit të Anglisë e priti Schmeichel derisa shënoi në kthimin e topit.
Në finale, Anglia do të ballafaqohet me Italinë në “Wembley”.
Danimarka në anën tjetër do të mbahet mend si kombëtarja më simpatike e kmampionatit, që përkundër tragjedisë në ndeshjen e parë me Eriksenin, ata arritën deri në gjysmëfinale.